Na El Salvador: Militarnan huntu ku polis a sera munisipio pa kaptura 603 miembro di geng kriminal

SAN SALVADOR – Den fin di siman ku a kaba di pasa tabatin un operashon na e munisipio ku yama Soyapando kaminda un total di 8.500 militar i 1.500 polis a bai pa buska un total di 603 miembro di MS -13 Mara Salvatrucha.
E motibu dikon un operashon ku asina grandi ta debí ku nan kier a sorprendé e kriminalnan di e geng Mara Salvatrucha.
Den e último dianan ku a pasa tabatin un ola di asesinato kontra suidadona komun i koriente di kual e krímennan tabata keda kometé pa miembronan di e geng kriminal MS-13 Mara Salvatrucha.
Ta p’esei presidente Nayib Bukele a disidí huntu ku su tim di konseheronan enkargá ku hustisia a planeá e operashon pa asina kaptura un total di 603 miembro di MS-13 Mara Salvatrucha.
Den e operashon tabatin 34 miembro di e geng kriminal MS-13 Mara Salvatrucha ku a trata na resistí a haña nan morto
Nayib Bukele a manda un mensahe pa e pueblo Salvadoreño indikando ku e lucha ta kontra kriminalnan i pa no tene miedu i denunsia pa asina tin pas definitivo pronto na El Salvador.