Na Ecuador: Presu a asesiná su pareha durante bishita ku e tabata por tene relashon den prizon

QUITO – Den fin di siman ku a kaba di pasa tabatin un insidente lamentabel a tuma lugá den un prizon ku yama Guayas 1 kaminda un presu lo a asesiná su pareha durante momentu ku nan tabata den intimidat ku otro.
Fausto Rosero direktor di e prison a deklará ku tin 313 presu ku tin kastigu di bida largu i vários di nan a haña pèrmit spesial ku nan pareha por bin tene intimidat ku nan un biaha pa luna.
Lokual a pasa ta ku e presu tabata sospecha ku su pareha lo tabata infiel na su persona i ku ela ward’é yega pa bai den privá pa asina asesin’é.
Fausto Rosero a splika ku lokual a pasa aki a pone ku tur prizon na Ecuador lo bai para ku e programa aki kaminda nan parehanan no por tene intimidat den priva mas.
Awor e presu lo tin ku bai responsabilisá su mes den korte pa lokual ela hasi.
E prezu ku su pareha tabatin kuater yu di kual tur lo bai krese sin nan mayornan ya ku e mama no tei mas i nan tata sigur lo bai pasa restu di su bida tras di trali.