Na Dinamarka: Homber (22) a basha bala den sentro komersial lagando un saldo di 3 morto i vários herido

COPENHAGEN – Soeren Thomanssen hefe di polis na Copenhagen a konfirmá ku ayera tardi un hòmber (22) a kana drenta den un sentro komersial ku un rifel di asalto i kuminsá basha bala den multitut lagando un saldo di tres morto i vários herido.
Soeren Thomanssen a bisa ku Copenhagen ta entre un di e suidatnan mas sigur den Europa i ku nunka ántes algu asin’aki a yega di tuma lugá.
E hòmber ku a kometé e masakre aki na e sentro komersial su nòmber no a keda revelá pero si lokual Kapitan Soeren Thomassen a bisa ta ku ta trata aki di
un persona ku a nase na Dinamarka.
Mette Frederiksen prome minister di Dinamarka a kondena e akto aki i a sigurá ku outoridatnan ta kontinuá investigando lokual a pasa.
Tin indikashon ku entre e heridonan ku a keda transportá pa hospital na Copenhagen tin tres di nan ku ta den estado kritiko.
E parti importante di e kaso aki ta ku e hòmber ku a kometé e krímen aki ta detené i ku lo bai interog’é pa wak dikon ela kometé e krímen horibel aki.