Na Dallas: Muhé a sali for di baño na aeropuerto i kuminsá tira

DALLAS – Eddie Garcia bosero di kuerpo polisial na Dallas Love Airport a konfirmá ku ayera alrededor di
1’or di trèmerdia un muhé a yega na e aeropuerto ku intenshon pa biaha pa Los Angeles.
Lokual ku por a opservá via kamara di seguridat na Dallas Love Airport ta ku e muhé identifiká komo Portia Odufuwa (37) a kana drenta den baño kambia su paña i sali ku un arma di kandela den man ta basha bala riba plafon di e aeropuerto.
Kapitan Eddie Garcia a bisa ku lokual ku Portia Odufuwa a hasi na Dallas Love Airport a pone ku tur hende ku tabata den serkania a sali na kareda pa buska skonde.
Pa suerte tabatin agentenan di seguridat i agentenan federal na e aeropuerto ku a los dos tiru riba Portia Odufuwa i heride.
Esaki a kondusí ku agentenan por a yega serka i kita e arma di kandela i naturalmente kontrolá e situashon.
Portia Odufuwa a keda transportá pa hospital ku urgensia kaminda a atendé kuné i pa despues ku su situashon normalisá transporte mesora pa un sentro di detenshon
te na momentu ku su kaso keda trata den korte.
Eddie Garcia a bisa ku lokual Portia Odufuwa a hasi a pone ku mester a sera hinter un sekshon di e aeropuerto na Dallas Love Airport pa por lo ménos 6 ora.