Deporte
Na Cuba: Kandela na zona industrial a laga saldo di 1 morto i 122 herido
HABANA – Luis Wong Corrales direktor di Ministerio di provinsial di salu na Cuba a konfirmá den un rueda di prensa ayera ku werlek a kousa kandela feros na zona industrial na e suidat ku yama Matanzas.
Tin indikashon ku werlek lo a dal den dos tanki karga ku kombustibel i pone esaki eksplotá.
E eksploshon a pasa durante momentu ku tabatin bastante empleado ta laborá na e zona industrial na Matanzas. Aparentemente den e dos tankinan ku a pega kandela tabatin 50.000 meter kúbiko di kombustibel na e zona industrial.
Te kuné momentunan aki tin informashon ku solamente 1 persona a muri i 122 a resultá herida.
E parti di preokupashon ta ku tin 17 bombero ku a keda reportá desaparesé.
Luis Wong Corrales a splika ku tur e heridonan a keda transportá pa hospital Faustino Pérez.
Ne momentunan aki tin un investigashon andando di parti Ministerio di Salu Públiko, siensia, Teknologia i Medio Ambiente pa determiná e impakto i posibel kontaminashon di e kandela aki.