Na Congo: Islamitanan a liberá 816 presu for di un prison di máksimo seguridat

KINSHASA – Antony Mwalushayi bosero di armada na Repúblika Demokrátiko di Congo a konfirmá ku ayera nochi tabatin un atake di parti Islamitanan riba un prison di máksimo seguridat na Butembo.
Antony Mwalushayi a splika ku nan a haña informashon ku mas ku 80 Islamita ku armamentu outomátiko a ataka agentenan di seguridat ku tabata hasi trabou di vigilansia na e prizon na Butembo.
Kuater polis i dos wardadó di presu a keda asesiná i e islamitanan a logra liberá 874 presu for di e prizon.

Antony Mwalushayi a splika ku ta solamente 58 presu a keda den e prison debí ku nan no tabata kier a hui.

Brunelle N’kasa direktor di e prison kaminda e Islamitanan a ataka a bisa ku mester bini un investigashon debí ku tin sospecho fuerte ku lokual a pasa ta un trabou di konspirashon entre wardadónan di presu di e prison.

Tin un total di 12 wardador di prezu ku no a presentá e dia di e atake a tuma luga i pa kolmo tur a disparsé.