Internashonal
Na Colombia: Turista a keda asesiná na un playa di San Andrés dilanti su famia
BOGOTA – Koronèl María Elena Gómez Méndez komandante di kuerpo polisial na e isla di San Andrés a informá ku den fin di siman ku a kaba di pasa durante ku un famia tabata gosando na playa un sikario a yega i mata kabesante di e famia.
E kaso di asesinato aki a tuma luga dilanti famia di e víktima na e konosido playa di San Andres ku yama Rocky Cay.
Koronèl María Elena Gómez Méndez a splika ku den e último dos luna nan ku a pasa tabatin bastante kaso di atrako riba turistanan ku ta bin bishita e isla di San Andres.
San Andres ta keda konsiderá komo un di e islanan di mas bunita na Colombia ku hopi paisano ta bai pa pasa nan fin di siman di vakashon.
Otro kaso ku a pasa na luna di Mei último tabata na e playa na Cartagena kaminda sikarionan a asesiná fiskal Paraguayo Marcelo Pecci dilanti su kasa ku tabata na estado.
Koronèl María Elena Gómez Méndez a splika ku tin kamara ku a kapta e imáhen di e asesino i ku pronto lo detené e sikario.