Na Colombia: Ocho polis a muri den un atentado ku eksplosivo

BOGOTA – Tin un kambio di gobiernu na Colombia i ta parse ku e geriyeronan no kier tende e palabra di Pas ku a Sali for di boka di presidente Gustavo Petro.
Gustavo Petro tabata bastante desepshoná na momentu ku e mester a anunsiá di un atake terorista ku eksplosivo ku a tuma luga na un zona rural ku yama San Luis Huila kaminda 8 polis a pèrdè nan bida.
Gustavo Petro a bisa ku tabata un atentado kontra un patruya ku tabata transportá 8 agente polisial.
E agentenan ku a pèrdè nan bida tabata dirigiendo pa un mishon di entrada hudisial na San Luis Huila. Tin un akuerdo avansá pa para tur konfrontashon entre outoridatnan i geriya di ELN pero ta parse ku sierto miembronan ta inkliná ku konfrontashon.
Gustavo Petro a kondena lokual a pasa aki pero a bisa ku elo bai sigi ku su meta di trese pas entre e geriyeronan di ELN i Clan del Golfo ku ta e grupo di trafikantenan di droga mas peligroso i poderoso na Colombia.