Internashonal
Na Colombia: Geriyeronan a sende shete trùk na kandela na Norte de Santander
BOGOTA – Nèt riba dia ku gobiernu di Gustavo Petro a kuminsá ku e diálogo di Pas ku lidernan di geriya di ELN (Ejército de Liberación Nacional) tabatin un insidente lamentabel na departamento di Norte de Santander.
Kiko a pasa ta ku segun testigunan ku 5 hòmber harma bisti na unifòrm di militar a sende shete trùk di karga na kandela.
Gustavo Petro presidente di Colombia a bisa e lokual ku e teroristanan a hasi di blòkia e via ku tin pa Norte de Santander serka di frontera ku Venezuela ta kondenabel.
No tin duda ku esaki ta un mensahe di un grupo di geriyero ku ta pertenesé na e organisashon kriminal ELN ku no ta di akuerdo ku e reunion di pas aki na Venezuela.
Gustavo Petro a repudiá lokual e teroristanan aki a hasi i a anunsiá kaba ku esnan ku a kometé e krímen aki lo bai keda kaptura i enkarselá.