Na China: Komishon nashonal di salú a detektá promé kaso di grip di para H10N3 den un persona

BEIJING – Den un komunikado ku a keda emití pa Komishon Nashonal di Salu na China a detektá e promé kaso di grip di para H10N3.
E funshonarionan di e Komishon Nashonal di Salu a sigurá ku nunka ántes nan a yega di detektá un kontagio humano di grip di para H10N3 na China.
Tin informashon ku e transmishon di e vírus di H10N3 ta komun den kriaderonan di galiña entre e animalnan pero ku nunka ántes a keda transmití pa un serhumano.
E persona (41) ku keda kontagia ku e vírus di H10N3 a keda interná den un hospital na Jiangsu den estado kritiko den kuido intensivo.
Segun ekspertonan ku ta atendé ku salu públiko na China mester a tene e persona infektá ku e vírus di H10N3 aisla.
Ekspertonan di e komishon na China a hasi un yamada na esnan ku ta traha den kriaderonan di galiña i para pa evitá kontakto di aserka ku e bestianan aki te na momentu ku kulminá ku nan investigashonnan.
E síntomanan ku un hende infektá ku e vírus H10N3 ta sinti ta similar na infekshon di covid-19.
Den e kaso aki ta sinti kayente kurpa, falta di olfato, tosamentu seku, mareo kompaña ku hopi dolor di kabes.