Internashonal
Na China: Hòmber abusador ku a sende su kasa na kandela durante transmishon di Tik Tok a keda ehekutá
BEIJING – Outoridatnan hudisial na China a konfirmá ku e hòmber abusador identifiká komo Tang Lu ku a sende su kasa na kandela durante un transmishon via Douyin (Tik Tok) a keda ehekutá finalmente.
Tang Lu tabata kasa ku Lhamo kende tabata bastante popular debí ku tur dia e tabata graba video di tur lokual e ta hasi diariamente na e provinsia di Sichuan via Douyin.
Tin indikashon ku Tang Lu tabata un hòmber yalurs i abusador debí ku no ta promé biaha ela maltratá Lhamo.
Via di e videonan Lhamo tabata haña proposishon di su sigidornan i esaki tabata pone ku Tang Lu tabata maltrat’é.
Dia 16 di sèptèmber durante un transmishon via Tik Tok live Tang Lu a disidí na basha un líkido flamabel riba Lhamo i sende na kandela.
Konsekuensia di lokual Tang Lu a hasi ku Lhamo a pone ku ela bin fayesé.
Esaki ta sufisiente ku wes no a duda pa kastigá Tang Lu di mesun forma ku ela mata Lhamo ku ta un konden’é na kastigu di morto.