Na Chile: Famia venesolano ta den desgrasia ku morto di nan yu (5) ku a kai for un haltura di 17 piso

SANTIAGO DE CHILE – Un pareha venesolano ku tin 2 aña radika kaba na Chile i ku ta biba den un edifisio di apartamento na region sentral ta pasando de momentunan difísil ku morto di nan yu hòmber (5) a kai for di un haltura di 17 piso.

Kapitan Leonardo Aguilar kende ta bosero di polis a konfirmá vershon di e tata ku tabata na enkargo ku e kuido di su.

Komo ku e hòmber ta den servisio di mantenshon na edifisio ela risibí un yamada di un inkilino.

Lokual a pasa ta ku ela bai laga su yu drumí i den frakshon di 10 minüt e yu a lanta i tabata buskando su tata.

Konsekuensha di esaki ta ku ela bai para na rant di  e balkon i ela bin kai for di e altura i a fayesé na momentu di impakto.

Fernando Ruiz fiskal ku ta atendiendo ku e kaso aki a deklará ku e ta komprondé ku e mayornan ta den un tristesa enorme ku morto di nan yu  pero tin un investigashon polisial ku mester bai tuma luga.