Na Chicago durante e desfile di 4 th of Yuly: Hòmber a basha bala den multitut lagando un saldo di 6 morto i 24 herido

CHICAGO – Chris O’Neill direktor di kuerpo polisial na Illinois a konfirmá ku durante un desfile di 4th of Yuly na Highland Park un hòmber identifiká komo Robert Crimo III (22) a saka un arma di asalto i kuminsá tira den multitut.
Konsekuensia di lokual e sospechoso aki a hasi ta ku un total di 6 hende a muri i 24 a resultá herida.
Robert Crimo III a kometé e masakre aki i tabata un hòmber blanku para riba un dak di un edifisio.
Na prome instante víktimanan tabata haña bala i na momentu ku e partisipantenan den e desfile a tende tiru di bala i aki tur hende a drenta den pániko.
Robert Crimo III tabata tira riba asistentenan ku tabata yuda na e desfile di 4th of Yuly na Highland Park.
Christopher Covelli ku ta bosero di SWAT na Chicago a konfirmá ku den un tempu rekòrt a logra detené Robert Crimo III.