Na California: Fugitivo di hustisia huntu ku su yu muhé (15) a muri den un interkambio di tiru ku polis

CALIFORNIA – Shannon Dicus bosero di kuerpo polisial na California a konfirmá ku un hòmber identifiká komo Anthony John Graziano a asesiná mama di su yu muhé na San Bernadino for di djaluna mèrdia. Den e kaso aki Anthony John Graziano a sekuestrá su yu muhé ku yama Savanah ku tabatin 15 aña di edat.
Shannon Dicus a splika ku ayera mèrdia un patruya a notifiká sentral di polis ku ela interseptá pikòp di Anthony John Graziano riba karetera pa Fontana. Mesora a kuminsá ku un persekushon i na momentu ku Anthony John Graziano a aksidenta ku su pikòp ela baha ta basha bala riba polis.
Konsekuensia di lokual Anthony John Graziano a hasi ta ku polis tambe tira bek i ku tiru di bala a alkansá e fugitivo i su yu muhé Savanah. Anthony John Graziano a fayesé na e sitio di interkambio pero su yu Savanah a fayesé na hospital na California. Shannon Dicus a bisa ku lokual ku ta bou di investigashon ta ku si ta polis of Anthony John Graziano a tira Savanah mata.