Na Brazil: Kardinal Cláudio Hummes bon amigu di Papa Fransisco a fayesé

SAO PAOLO – Na luna di mart di aña 2013 Kardinal Cláudio Hummes tabata entre un di e faboritonan pa remplasá Benedicto XVI komo Papa di Roma.
Mester bisa ku durante e periodo aki Cláudio Hummes i Papa Francisco tabata kandidato pa e posishon pa remplasá Benedicto XVI. Papa Fransisco a bisa ku Cláudio Hummes tabata un bon alma i ku semper a kòrda riba esnan ménos privilegiá ku kada bes ku nan kombersá ku otro ta korde pa nunka lubidá riba e pobernan.
Cláudio Hummes tabata respetá i kerí na Brazil spesialmente na Sao Paolo kaminda e tabata biba.
Pa lokual ta algu di historia di Cláudio Hummes ela nase na Salvador do Sul dia 8 di ougùstùs di aña 1934 i a bira pastor na 1958.
Hasiendo un tremendo trabou Cláudio Hummes a bira Obispu na aña 1975 i na 2001 a yega na e posishon di Kardinal.
Papa Fransisco a bisa ku ela pèrdè un bon amigu ku tabata dune hopi animo kada bes ku nan papia ku otro.