Na Boneiru…. Wardakosta di Karibe Hulandes a reskatá hòmber

KRALENDIJK. Wardakosta a risibí un notifikashon di e ‘meldkamer’ di polis na Boneiru ku un persona lo a bira malu i kai den mondi di Boka Onima.

Famianan di un hòmber di 67 aña a yama polis pa indiká ku un miembro di nan famia a bai yag i bira malu den mondi, a konsekuensha di kalor.
Na momento ku e hòmber a sinti malu, e la kai i no por a kana mas.

E hòmber a logra pa yama su famianan via telefon selular pa indiká ku e ta den mondi na Boka Onima i ku e mester di yudansa urgente.

E Sentro di Reskate i Kordinashon di Wardakosta a dirigí e helikòpter urgente pa yuda e hòmber mas lihé posibel.

Na yegada na e sitio nan a enkontrá e hòmber unbes i a his’é pa bai kuné den e helikòpter.
Mesora e helikòpter a bai direkshon di èrpòrt di Boneiru kaminda tabatin un ambulans wardando riba e viktima pa transport’é pa hospital.