Na Bolivia: Korte ta deliberando sentensia kontra eks presidente Interno Jeanine Áñez

LA PAZ – Tres wes di Korte di Promé Instansia na Bolivia a será su fase di debate i a pasa awor pa bai deliberá sentensia den e wisio kontra Jeanine Áñez i dos eks hefe militar pa e kaso Golpe de Estado II.
Despues ku e tres wesnan di Korte di Prome Instansia a tende testimonio di tur e testigunan i akusadonan lo bai duna un veredikto.
Aktualmente Jeanine Áñez ta enkarselá na e prizon di máksimo seguridat pa hende muhé ku yama Centro Penitenciario Femenino de Miraflores.
Abogadonan di Jeanine Áñez a señalá den su defensa ku nan kliente no a move niun dede pa yega na poder.
Ta trata aki di un akto di vengansa di esnan ku ta respaldá eks presidente Evo Morales ku den aktualidat nan partido ta na poder .
Den kaso ku Jeanine Áñez keda sentensia nan lo bai apelá e kaso aki na Korte Penal Internashonal na La Haya segun abogado Luiz Guillen.