Na Berlin: Shofùr a kore pasa den multitut di hende i bai plama den vitrina di un negoshi

BERLIN – Martin Dams bosero di kuerpo polisial na Berlin a konfirmá ku ayera den oranan di trèmerdia
un shofùr ku tabata koriendo su vehíkulo di un forma iresponsabel a pasa den un multitut di hende.
Tin informashon di e investigashon ku e shofùr di un outo marka “Renault Clio” tabata kore ku velosidat haltu den avenida Kurfürstendamm durante momentu ku tabatin bastante sirkulashon di hende ta sirkulá.
Konsekuensia di lokual e shofùr aki a okashoná ta ku ela alkansá 10 persona di kual 1 di nan a fayesé i kuater mester a keda transportá pa hospital.
E shofùr tabatin asina tantu kurashi ku e tabata buska manera pa sigi kore pero debí ku e outo a keda pega den entrada di un negoshi hendenan den serkania a logra saka i detené te na momentu ku polis a yega.
Martin Dams a bisa ku e shofùr a keda detené pa asesinato di un yefrou di skol (51) i intento di asesinato di 9 otro persona.