Internashonal
Na Bahamas: Turista merikano ku a keda ataka pa tribon a fayesé
NASSAU – Algu ku realmente ta lamentabel na momentu ku un persona bai di vakashon subiendo un barku krusero i ta bin pèrdè su bida.
Esaki ta loke a pasa segun Chrislyn Skippings bosero di kuerpo polisial na Bahamas ku a verifiká ayera ku un turista (58) ku a yega Nassau den e barku krusero Harmony of the Seas di Royal Caribbean International a bai snòrkel na Cayo Green Turtle i a keda morde pa un tribon.
Pa años kaba ta kustumber di snòrkel ku turistanan ta bishita Cayo Green Turtle pa landa ku tribon i otro espesienan di laman.
Desafortunadamente e biaha aki un tribon a ataka e muhé aki ku na momentu ku a logra reskate i transporte pa hospital ya ela fayesé.
Ta trata aki di un turista ku ta nativo di Philadelphia ku aparentemente a yega di hasi mesun osadia di bai snòrkel na Cayo Green Turtle.
No ta prome biaha ku algu asin’aki a pasa na Cayo Green Turtle segun informashon di Chrislyn Skippings.