Na Atlanta: Muhe a tira tres persona i despues a trata na hui

ATLANTA – Darin Schierbaum direktor di kuerpo polisial na Atlanta a konfirmá ku aproksimadamente entre 1:45 PM pa 2 :15 PM di ayera mèrdia un muhé ku tabata sirkulá den área di 1280 W. Peachtree a tira riba tres hende.
Tin indikashon ku 1 di e hendenan ku e muhé identifika komo Raissa Kengne a tira a fayesé i tin dos ta den estado kritiko.
Darin Schierbaum a splika ku Raissa Kengne ku a logra yega Hartsfield-Jackson Atlanta International Airport kla pa aborda un buelo rumbo pa Florida.
Den e kaso aki agentenan Federal a logra detené i hib’é warda di polis na Downtown Atlanta pa interogashon.
Tin informashon ku e muhé a logra saka gran kantidat di sèn for di un bankomátiko na Hartsfield-Jackson Atlanta International Airport i ku tabata na kaminda pa bai paga su pasashi pa hui for di Atlanta.