Na atenshon di: Direktiva di FEBEKO Di parti di: Komishon di hungadonan beisbol AA Willemstad, 4 di augustus 2021

Topiko: Puntonan di atenshon i petishon pa akshon stadion di RIF
Apresiado direktiva di FEBEKO,
Pa media di esaki, den representashon dihungadonan di klase AA di beisbol lokal di Korsou.
‘Komishon di Hungadonan’ ta pidi atenshon di FEBEKO riba siguiente puntonan klave kua ta forma un opstakulo pa eherse e deporte na un manera korekto tantu fisikamente kama e parti di e esfera rondo di esaki, espesifikamente na e lokalidat deportivo, stadion Johnny Vrutaal na Rif.
Estado die tereno
ta di preokupashon.
Apesar di esfuersonan, lamentablemente mester konstata ku esaki ainda no ta na nivel pa garantisa seguridat di hungadonan.
Sin duda por tuma nota ku esaki ta influensia prestashon di peloteronan debina e miedu ku kua ta praktika e deporte na e lokalidat aki i ku tur e konsekuensianan pa brinda beisbolna nivel. Mantenshon di tereno no ta kai bou di responsabilidat di ekiponan.
Mirando esaki, ta pidi FEBEKO ku karakter di urgensia pa remedia e situashon ya ku esaki ta pone estado fisiko i prestashon di peloteronan na peliger.
Komishon ta sugeri solushonnan i pidi na nomber di hungadonan:
• Pa hala velt i muha esaki prome ku tur partido.
• Pa trabou di mantenshon di montikulo tuma luga na momenta ku no tin partido (‘grate beurt’) i pa hasi inspekshon di esaki, ‘touch up’ prome ku inisio di tur partido i vigila e estado durante partidonan, hasiendo ‘touch up’ si ta nesesario.
Punta di atenshon:
A tuma nota di mehoransa den limpiesa di dugouts prome ku wega kuminsa ita kontentu ku esaki.
Sinembargo, ke bolbe pidi pa por fabor tin saku di shushi, dos (2) si ta posibel na inisio di wega pa por deposita shushi i asina nos tambe yuda pa mantene esakinan limpi.
Ideal to ta pa pone bari di shushi kua ta keda hasi bashi despues di kada partido, pa un miho efektividat i pa garantisa higiena.
Adishonal: Tambe pa awa/eis ta regia korektamente prome ku partido ya ku regularmente esaki ta sosode tat of nota sosode si ekiponan mes no regia esaki.
;… Siguiente punta di
preokupashon:
Ya pa un tempu kaba a hala atenshon riba e situashon a-higieniko die ‘porta potties’ ku tin pone na disponibilidat di peloteronan na kada dugout.
Esakinan ta den un situashon deplorabel i a yega un estado kaminda ku simplemente no por hasi uso di esakinan mas. Ta dimas pa enfatisa riba e riesgo ku esaki tambe ta kousa pa salu di tur persona, esta peloteronan, kuerpo h kniko i bishitantenan di e lokalidat ku yega den serkania di esaki. E ta un fuente di bakteria i malesa i ta un situashon ku no por sigui mas sigur mirando den e tempunan ku nos ta bibando aki pa ku e pandemia. Pues, esaki ta sigur un punta kua mester di su atenshon urgente. (potret anekso na di final).
Siguiente punta di
preokupashon:
E kalidat di bala ku ta ser usa nota na e nivel die klase ku nos ta hungando aden. Nos tur, tantu direktiva i kada un pelotero ta para pa beisbol na nivel. E material, den e kaso aki e balanan, tambe mester ta adekua pa e loke nos tur ke pa nos beisbol tokal ta- esta unu na nivel haltu.
Por ultimo, a tuma nota ku no ta sigui protokol pa ku kantamentu di himno i trato korekto pa ku bandera di nos pais (hisa i baha despues di partido). Esaki ta laga di desea. Komo bon yu di Korsou. un federashon responsabel i ku tei komo ehempel, nos ta ferwagt ku (nos tur inkluso miembronan) lo hasi esaki debidamente, dunando honor i respet manera mester ta.
P’e motibunan ariba menshona ta pidi enkaresidamente un reakshon i konfirmashon di akshon, esta ehekushon di e puntonan aki denter di dos (2) biaha bintikuater (24) ora.
Por fabor tuma nota ku si esaki no sosode, lamentablemente nos komo hungado mester tuma pasonan nesesario pa garantisa nos propio salu i·bienestar.
Nos ke termina gradisiendo direktiva pa e tempu i atenshon pa e karta aki ku ta pa trese kambionan nesesario pa sigura e bienestar di o solamente nos peloteronan, sio ehorashon di nos beisbol lokal en general kua ta e meta ku sm duda boso komo Pederashon tin, 1 na kua nos ke duna nos aporte.
Komishon di hungadonan, firma riba fecha 4 di augustus 2021: