Na Arkansas: Tres polis a keda suspendé despues ku un sivil a graba nan ta maltratá un hòmber

ARKANSAS – Tres agente polisial na Arkansas ta bou di investigashon despues ku un sivil a skonde i graba nan ta maltratá un hòmber violentamente.
Pa straño ku esaki ta parse ta ku e biaha aki e tres polisnan aki a bati un hòmber blanku violentamente.
E persona ku a graba e video aki mesora a pone e material aki riba ret sosial i ku manera e tres agentenan aki a yega ku e detenido warda di polis nan hefe a manda yama nan.
E hòmber blanku a haña bastante sla rònt su kurpa i ku manera ela yega warda di polis a yama ambulans pa hib’é hospital di inmediato.
Gary Baxter alkalde di Mulberry na Arkansas a anunsiá ku ela duna òrdu pa kita arma di e tres ofisialnan i pone nan riba non aktief te na momentu ku kaba ku e investigashon.
Nòmber di e víktima ta Randall Worcester (27) ku supuestamente a keda hospitalisá debí ku e tres ofisialnan a batié dune hersenschudding i lastim’é rònt su kurpa.