Deporte
Na aeropuerto di Lima: Avion karga ku pasahero a dal den brantspùit riba pista
LIMA – Ayera tardi a surgi un aksidente horibel riba pista di despege na Aeropuerto de Pisco na Lima na momentu ku un avion di LATAM tabata bai lanta buelo.
Informashon ku tin ta ku un brantspùit a subi pista di despege nèt na momentu ku e avion komersial di LATAM tabata bai lanta buelo.
Den e avion di LATAM tabatin 102 pasahero i 6 tripulante di kual ningun hende a resultá herida.
Miéntras tantu si e dos bomberonan ku tabata den e brantspùit si a fayesé debí na e impakto fuerte.
Ta trata aki di un aksidente horibel ya ku e avion a haña bastante daño i pa lokual ta e brantspùit a keda kompletamente destruí.
Aurelio Orellana hefe di Seguridat na e aeropuerto na Lima a bisa ku nan a kuminsá kaba ku investigashon pa wak ta dikon e brantspùit aki tabata riba pista di despege na momentu ku e avion di LATAM tabata den proseso pa lanta buelo.
Lokual a pasa ayera tardi a pone ku mester a sera e aeropuerto pa sigur 8 ora te na momentu ku e limpia e pista kompletamente.