Muhé residivista YDK (52) a kai será pa di tres biaha den 25 aña

WILLEMSTAD. Siman pasá un tribunal na Alkmaar a kondená un muhé YDK di 52 aña na 10 luna di kastigu di prison pa kontrabanda di kokaina for di Kòrsou pa Ulanda.
Un kos mester bisa: promé ku nan a gara e mula aki nan a listra su historial deliktivo te kasi for di dia ku ela nase i a bai Ulanda pa promé biaha.
Hustisia tabata sa eksaktamente for di na Kòrsou ku ken ela papia, ku ken ela biaha, ken a bai busk’é na Schiphol, unda ela biba na Kòrsou i unda e ta biba aktualmente na Ulanda. (Den prison na Alkmaar).
Pekuliar tambe ta nomber di su abogado: mr. M.A. Docter kende ta abogado na Alkmaar.
E muhé entre 29 di yanuari i 3 di februari dje aña’ki a sali Kòrsou i a yega Schiphol kaminda nan a fich’é pa konosé ken ta su kómplisenan.
E kargo kontra e muhé tabata ku ela prepará e kokaina pa manda Ulanda i a paga un mula pa biaha ku e droga despues di a paga su pasashi pe.
Na Schiphol otro kómplise a sper’é i el a kai den e trampa ku nan a traha pe.
Abogado dje muhé a pidi korte pa apsolvé su kliente pasobra ta kontra su boluntat