Muhé Iraní a risibí impakto di bala durante su selebrashon di kasamentu

TEHERAN – Koronèl Mehdi Jokar bosero di kuerpo polisial na Firuzabad a konfirmá ku durante un selebrashon di kasamentu tres persona a risibí tiru di bala di kual un muhé a fayesé i tin dos hòmber a mester a keda transportá pa hospital.
Ta un tradishon na sierto parti na Iran ku durante selebrashon di kasamentu miembronan di famia sa tin kustumber di los tiru di bala den laira.
Koronèl Mehdi Jokar a splika ku e tradishon aki ta ilegal pero asina tòg tin sierto miembronan di famia sa los dos pa tres tiru pa asina deseá e pareha suerte.
Den e kaso aki e selebrashon di kasamentu di Mahvash Leghaei (24) i su pareha a tuma luga den un luga sera.
Aparentemente e hòmber ku a kasa su primu a saka un rifel i los dos tiru di bala di kual e promé tiru a alkansá dos hòmber den pia i e dos tiru a alkansá Mahvash Leghaei den kabes.
Na momentu ku e hòmber a nota lokual a pasa ela bati retirada pero su siguiente dia ku ta ayera polis a logra detené.
Koronèl Mehdi Jokar a splika ku awor e hòmber tin ku bai duna kuenta i rason na hustisia i tin famia kompleto ta busk’é pa mata pa lokual ela hasi ku ta ruina su primu su bida matando su kasa riba dia di su kasamentu.