Deporte
Muhé a resultá herida despues di tiroteo na un skol sekundario na Alemania
BERLIN – Ayera outoridatnan na Bremerhaven a detené un hòmber arma ku a tira un muhé dilanti un skol despues ku nan tabata diskutí ku otro.
E kaso di tiroteo a tuma luga dilanti un skol sekundario ku yama Lloyd Gymnasium nèt algun ratu ku e alumnonan tabata saliendo for di klas pa bai kas.
Lokual a pasa na e skol a kousa un káos i ku tur studiante a kore bai skonde bek den klas bou di òrdu di dosentenan.
E persona ku a tira e muhé aki a kore limpi bai i algun ratu despues polis a logra detené na su apartamento na Bremerhaven.
Pa lokual ta e dama ku a keda herida su nòmber no a keda revelá pero si tin indikashon ku su situashon no ta grave i ta for di peliger interná den kuido intensivo na un hospital na Bremerhaven.