Internashonal
Muhé a duna lus den baño di un McDonald’s na Atlanta
ATLANTA – Alandria Worthy tabatin ocho luna na estado i a disidí na a bai kome algu na un restorant McDonald’s ku ta keda na Peachtree Street na Atlanta.
Promé ku Alandria Worthy a kuminsá kome ela bai baño i aki empleadonan di restorant McDonald’s a nota ku ela tarda pa Sali tuma su kuminda.
Na dado momentu Alandria Worthy a kuminsá grita ku e tin hopi dolor pa yama ambulans.
Mesora empleadonan di McDonald’s a bai yuda Alandria Worthy i pa suerte e manager ku yama Tunisia Woodwar tabata yuda na Krus Kora ku ela bin yud’é duna lus.
Tunisia Woodwar manager na restorant McDonald’s a bisa ku empleadonan di e restorant a duna e yu hòmber e nòmber Baby Nuggets.