Muchu obrero i hende di fishi ta bandonando Kòrsou

WILLEMSTAD E miembro di frakshon di Partido Nashonal di Pueblo, señor Sheldry Osepa, a pidi atenshon di minister Ornelio Martina pe hecho ku a bolbe sali den publisidat ku e poblashon di Kòrsou ta birando dia pa dia mas chikí. Ta parse ku desde 2017 Kòrsou ta konosiendo un ‘braindrain’ grandi atrobe. E sifranan menshoná ta spantoso.
Na aña 2021 5.564 persona a bandoná Kòrsou.
Alrededor di 3.337 persona a bin biba na Kòrsou.
Al final mas hende a bandoná Kòrsou – total
2.227 persona – ku hende a bin biba na Kòrsou.
E problema mas grandi den esaki ta ku esnan ku ta bandonando Kòrsou ta hustamente e personanan ku un bon ofishi. E echo ku refineria Isla a sera i e ambiente ekonómiko na
Kòrsou ku un inflashon haltu pa pone hopi hende buska un mihó porvenir den otro pais.
Bon maneho di pèrsonal públiko i tambe poblashon ta importante pa Kòrsou. Si nos ke drecha. Kòrsou nos mester atendé e problema aki ku e balentia nesesario apesar di e resistensia ku esaki por trese kuné.