Muchanan di skol a haña oportunidat pa mira dokumental tokante bida di Churandy Martina

WILLEMSTAD – Durante e siman di 28 di oktober ‘21 pa 1 di september ‘21, Danki na kontribuishon di partnernan lokal (Digicel, CWM, Stichting Signaal, Prins Bernhard Cultuur Fonds, APC, Blue Bay Curaçao, Wasserman), Thakaidzwa Doran a logra pa duna e oportunidad pa muchanan di skol básiko i hoben nan den “brugklas” por bai wak e pelíkula di Churandy Martina – De Eindsprint, kompletamente grátis huntu ku nan klas bou di orario di skol.

Un total di 21 skol a inskribí pa bai wak e dokumental ko-produsí pa yu di Kòrsou, Thakaidzwa Doran, tokante karera i bida di e famoso atleta olímpiko Churandy Martina.

Thakai ta indiká ku su motivashon pa produsí e dokumental aki ta bini for di su pashon pa inspirá hende, en espeshal hoben nan, pa medio di deporte. Kontando Churandy su historia di fe, speransa, trabou duru i determinashon, Thakai ke alsa nos orguyo komo yu di Kòrsou i inspirá kada ken ku wak e pelíkula pa nunka no entrega.

Un danki ta bai na tur e partner naD ku a duna nan sosten pa hasi e projekt aki posibel. (Digicel, Stichting Signaal, Prins Bernhard Cultuur Fonds, APC, Blue Bay & Wasserman),