Morris ku 31 punto…. Celtics ta gana Pelicans 113-100

BOSTON, (ND).— Kyrie Irving tabata afó ku un skouder un poko steif, pero no asina steif pa e lanta fo’i banki na momentu ku Morris a anotá un three pointer pa manda Boston Celtics ariba. Meskos ku Al Horford, ku tabata riba banki ku un rusia leshoná, a lanta grita na momentu ku Jason Tatum a anotá riba Anthony Davis. E ekipo di Celtics a konta ku 31 punto di Morris i di Jayson Tatum tabatin 21 pa asina gana ku anotashon di 113-100. Pa e ekipo di Pelicans, Anthony Davis tabata tremendo ku 41 punto, pero den kousa pèrdí. Julius Randle a terminá e wega ku 20 punto mas 11 rebote.