Ministerionan di Salubridat a faya garafal pa tuma medida kontra sangura

WILLEMSTAD. Konklushonnan tokante e dos preguntanan di investigashon riba medidanan konra COVID ta mustra ku
pa loke ta trata investigashon tokante si Ministerio di Salubridat, Medio Ambiente & Naturalesa a sigui e rekomendashonnan di Kontraloria i tuma e akshonnan di prevenshon, investigashon a mustra ku mayoria di e rekomendashonnan no a wòrdu implementá.
A konstatá ku ainda e ministerio:
1. no ta disponé di un Ordenansa Nashonal di Salubridat Públiko kaminda, entre otro, ta regla formalmente e deber ku e dòkternan i institutonan médiko tin di notifiká kaso sospechá òf konfirmá;
2. no a formulá un maneho di prevenshon (e ministerio no a aktualisá e plan integral pa maneho di prevenshon);
3. no a pèrkurá pa e Unidat di Prevenshon proponí bira funshonal. En bes di esei, na 2017, Ministerio di Salubridat, Medio Ambiente & Naturalesa a start un proyekto di wellness ku lo mester a inkluí prevenshon tambe.
4. no a regla pa departamento di maneho disponé di informashon tokante e enfermedatnan ku sa presentá na Kòrsou, pa asina por formulá maneho a base di esei. Suministro di dato, entre otro na PAHO, tantu for di den e ministerio komo di otro fuente, no ta kana bon. For di 2015, no a suministrá niun dato na PAHO;
5. no a traha riba e diferente prosedimentunan pa kombatí enfermedat transmití via vektor i, debí na esei, no a adoptá prosedimentu formalmente i dekretá esakinan;
6. no ta disponé di e kapasidat di rekurso