Ministerio públiko na Colombia: A laga detené un dama ku a yama vise presidente Marquez Simio

BOGOTA – Ayera tabatin un grupo di manifestante dilanti kas presidensial na Bogota i lokual a hala bastante atenshon ta ku un dama a tene un entrevista ku un periodista di kanal lokal RCN.
E señora aki tabata bastante agresivo kontra Francia Marquez vise presidente di Colombia ya ku ela yame Simio i ku tur hende pretu ta asesino i ladron.
Den e kaso aki a dama aki a deklará ku presidente Gustavo Petro mester entrega poder di inmediato ya ku ta un grupo di delinkuente ela pone huntu kuné pa goberná su pais.

Francia Marquez ta e promé afro- Colombiana ku a yega na poder i komo vise presidente di Colombia ku ta algu grandi. Ounke ku e Colombiano nan a vota pa Gustavo Petro i Francia Marquez mester bisa ku tin hopi hende rasista den e pais aki.
E forma denigante kon e dama aki a ekspresá su mes kontra Francia Marquez i hende pretu na Colombia ta serio ya ku ela pone bon kla ku ta un bèrgwensa pa tin un hende asin’aki ta representá nan pais komo vise presidente.