Ministerio di defensa na Taiwan: A denunsia ku vários avion di kombate a drenta den nan espasio aéreo

TAIPEI – Ayera Ministerio di Defensa di Taiwan a denunsia ku vários avion di kombate di forsa aéreo di China a drenta den nan espasio aéreo.
Chiu Kuo-cheng minister enkargá ku e kartera di defensa na Taiwan a bisa ku e provokashon dia pa dia ta birando muchu mas grandi debí ku e biaha aki un total di nuebe avion di kombate di Forsa Aéreo di China a drenta den nan espasio aéreo.
Na momentu ku a notifiká pilotonan di e avionnan aki pa sali nan sali for di Taiwan su espasio aéreo e pilotonan no a hasi kaso.
E situashon ta birando tenso ya ku general Li Zuocheng di ehérsito Chino a manda un mensahe di atvertensia tantu pa Taiwan komo Merka ku si nan mester tumba un di nan avionnan lo bai tin reperkushon.