Ministerio di defensa di Rusia: A konfirmá ku nan a destruí un fábrika di arma na Ukrania

MOSKU- Igor Konashénkov bosero di Ministerio di Defensa na Rusia a deklará ku den fin di siman ku a pasa nan a kuminsá avansá na mas na Ukrania.
Durante entrada na region di Dnepropetrovsk na parti Surost di Ukrania forsa aéreo Ruso a tuma un avion Ukraniano model Su-25.
E parti prinsipal di e kaso aki ta segun Igor Konashénkov ta ku nan a destruí un fábrika di arma na Dnepropetrovsk.
Aparentemente na e fábrika na Dnepropetrovsk tabatin armamentunan ku Merka i aliadonan di OTAN a kaba di entrega na Ukrania.
Den e fábrika aki tabatin dron, misilnan di korto i largo alkanse i armamentunan pa ehérsito di Ukrania. Minister di defensa na Ukrania a konfirmá ku for di momentu ku Rusia a invadí nan pais nan a pèrdè 325 sistema di misil antiaéreo, 3.309 tanki di gera, 447 misil i 3.270 vehíkulo militar blindá.