Minister Xiomara Maduro a anuncia: Festival di Dande 2020 ta sigui virtual

ORANJESTAD-Nos Cultura bo tin cu bibe! Ayera mainta durante conferencia di prensa di Gobierno,  Minister di Cultura sra. Xiomara Maduro a anuncia cu Festival di Dande 2020 ta sigui virtual.  E mandatario a trece dilanti cu cerca hopi hende ta biba e pregunta dicon eventonan cultural di Aruba no ta wordo teni siendo cu otro eventonan si ta tuma lugar. E motibo di cancelacion ta cu e.o. cu na inicio di e pandemia na maart ultimo apenas tabatin informacion riba e virus aki y su efecto pa Aruba, igual a conta pa henter mundo. Esey a trece cune cu siguiente eventonan a wordo cancela y/o a sigui den un forma diferente. Como Gobierno responsabel mester a cancela e “Celebracion di Dia di Himno y Bandera 2020”, “Dia di San Juan” a wordo celebra den forma diferente caminda e pueblo a celebra na cas den sabana manera tabata tradicion y tambe tabata tin un “tableau vivant” caminda por a pasa cu auto y convivi esaki.