Minister Silvania ta pidi urgensia pa wetsvoorstel normering topinkomens

WILLEMSTAD – Den un karta dirigí na presidente di Staten, minister di Finansa Javier Silvania, e ta pidi urgensia pa organisá un reunion riba e “wetvoorstel normering van topinkomens”.
Simplemente bisa, un lei ku ta nivela entrada di ministernan i di direktornan i fundashonnan di gobiernu.
Pa algun tempu kaba Gabinete Pisas II ta dediká pa gradualmente revoká e rebaho di 12,5% riba e kondishonnan laboral di empleadonan igual na rango.
E ekonomisashon aki ta pone ku a keda sin paga sèn di vakansi i baha e kantidat di dia di fakansi pa ámtenarnan i trahado di fundashonnan di gobiernu.
Gabinete Pisas II ke paga e sèn di fakansi na fin di yüni na e su trahadonan. E desishon pa paga 3% na sèn di fakansi a keda inkorporá den e presupuesto adaptá ku minister Silvania a entregá na kuminsamentu di mei i a keda akordá pa Raad van Ministers.
E Staatssecretaris voor Koninkrijksrelaties, sra. van Huffelen, a bai di akuerdo pa revoká e ekonomisashon, poulatinamente, bou di algun kondishon.
Un di e kondishonnan ta pa e lei di nivelashon keda aprobá pa Staten promé ku por paga e sèn di vakansi.
Pa e motibu aki minister Silvania a pidi e presidente di Staten pa stipulá un fecha pa atendé e kondishon aki den Staten.
Ta importante pa tantu gabinete Pisas II komo e ámtenarnan riba a korto plaso haña aklarashon si e proposishon aki ta keda aprobá, desaprobá òf atendé di otro forma.
I si parlamento no Play Ball manera kustumber ki sanshon Ulanda lo imponé……..