Minister Shalten Hato: ‘’No tabatin hacking pero sí virus na Prisòn’’

WILLEMSTAD – E imprenshon ku a reina ultimo dianan ku e sistema atministrativo na prison tabata afektá pa hacking, minister di hustisia Shalten a klarifiká esaki i indika ku no tabatin asuntu di hacking. kaso. Segun minister Hato, tin e sospecho ku di ún of otro forma un persona a bishita un website òf un pagina sosial, ku a pone ku un virus a drenta den e sistema.
Asina ku a konstata e situashon aki, a baha e sistema di tal manera ku e virus no por sigi desaroyá.
Dia 29 di juni a konstatá ku pa motibu di e virus, a pèrde algun file. E ekspertonan di prison konhuntamente ku spesialistanan di IT di prisòn a perkura si pa tin un bon back up.
Entretantu, segun e minister di hustisia, e situashon ta bou di kontrol. No ta tur computer ta operashonal ainda. Esaki pasobra a kuminsa instala un asina yamá anti virus pa evita ku den futuro, algu asina aki ta ripiti.
Despues ku kaba di instala anti virus riba sigur e 100 computernna, pronto tur computer di prison, lo ta bèk den funshon, asina minister Shalten Hato ta garantisá.