Minister Glenbert Croes: E momento cu nos como Hende cuminsa respeta derecho di otro, como Pueblo nos tur ta progresa

ORANJESTAD-10 di december ta dia Internacional di Derecho Humano. Ta setenta aña pasa cu Asamblea General di Nacionnan Uni a adopta e Declaracion Universal di Derecho Humano. En conexion cu e dia aki, Minister di Asunto Social y Labor ta reiteira su compromiso den su afan continuo den mehora e calidad di bida y existencia di nos conciudadanonan y enfoca riba e importancia di e derechonan cu cada un di nos tin. Esaki ta e filosofia di Gabinete Wever Croes unda cu e ser humano ta semper central den tur su decisionnan.