Minister di Qatar: Ta rechasá ku ta metí den krísis di korupshon den Parlamento Europeo

DOHA – Gobiernu di Qatar a manda un karta dirigí na Roberta Metsola presidente di Parlamento Europeo pa informe ku nan no tin ningun partisipashon den e kaso di korupshon kaminda dos diputado a risibí plaka na efektivo.
Mohammed bin Abdulrahman Al-Thani minister enkargá ku relashonnan eksterior na Qatar ta esun ku a manda e karta pa Parlamento Europeo i a konfirmá ku nan ta dispuesto pa koperá pa e investigashon di korupshon aki.
Gobiernu di Qatar su deseo ta pa yega na e bèrdat pa sa ken lo a soborná diputadonan Eva Kaili eks vise presidente di Parlamento Europeo i eks diputado Antonio Panzeri.
Roberta Metsola a deklará ku ela risibí un yamada telefóniko di Mohammed bin Abdulrahman Al-Thani i a komprondé ku nan tambe lo ta deseá di tin klaridat di e investigashon di korupshon aki.