Minister di Israel a pidi: Su siudadanonan pa sali for di Turkia pa temor di sekuestro di teroristanan Iraní

JERUSALEM – Yair Lapid minister enkargá ku e kartera di Relashonnan Eksterior na Israel a hasi un yamada dramátiko na suidadanonan di su pais pa bandoná Turkia debí ku teroristanan Iraní ta sekuestrá i mata hudiunan.
E motibu dikon Yair Lapid a pidi su suidadanonan pa bin Israel bek ta debí ku tin servisio di inteligensia Israelí i di Turkia tin informashon ku teroristanan Iraní ta konsentrando na vários suidat importante na Turkia ku e mishon pa kometé aktonan kriminal kontra hudiunan.
Den e último dos simannan ku a pasa tabatin un kantidat di atentadonan terorista Iraní kontra Israelitanan ku ta bai di vakashon na Turkia.
Yair Lapid a manda un mensahe di menasa den direkshon di e teroristanan Iraní si nan mester tribi na sigi mishi ku nan suidadanonan ku ta di vakashon na Turkia lo bai tin reperkushon.
Ta trata di teroristanan Iraní ku ta aliadonan regional ku Hezbolá libanés i Hamás Palestino i ku ta konsiderá hudiunan komo nan enemigu segun Yair Lapid..
Finalmente Yair Lapid a manda palabranan di agradesimentu pa gobiernu di Turkia ku ta protehando bida di hudiunan ku ta di vakashon den nan pais.