Minister di Finansa a duna instrukshon pa agilisá kobransa di impuesto atrasá

Willemstad – Minister di Finansa mr. drs. Javier Silvania a introdusí liñanan di guia pa agilisá kobransa di impuesto atrasá, pa asina yuda hisa entrada pa kaha di gobièrnu.
E akshon di kobransa aki ta konta pa entre otro:
· impuesto riba entrada,
· impuesto di salario,
· impuesto riba ganashi,
· impuesto riba herensia,
· onroerende zaakbelasting (OZB),
· impuesto riba benta i impuesto pa rekohé shushi.
Minister di Finansa ta enfatisá ku e tèrmino pa yega na areglo di pago pa sana debe ta konta pa solamente 3 luna, kual ta drenta na vigor djaluna 12 di yüli 2021 i ta términa 12 di òktober 2021.
Personanan ku ta bin na remarke pa hasi apelashon pa sana nan debe di impuesto mester a risibí nan deklarashon di impuesto ku ta fechá 31 di desèmber 2020 o riba un fecha anterior.
Den kaso ku e debe atrasá di impuesto ta menos ku 50.000 florin, Ontvanger por duna, riba petishon di e pagadó, oportunidat pa e pagadó di impuesto paga su debe mensual te na un máksimo di 48 luna. Penshonadonan ku ta kobra solamente AOV lo haña eksonerashon di onroerendezaak belasting (OZB).
Pa mas informashon por tuma kontakto riba number 734-2224 òf via siguiente e-mailadres: sanering@ontvanger.cw
Pa mas detaye por bishita website: www.minfin.cw/kobransaimpuestoatrasa
Ta otorgá sanamentu di debe konforme e siguiente tabèl: