Minister di Desaroyo Ekonómiko, Ruisandro Cijntje a reuní ku Curoil

WILLEMSTAD. Minister Cijntje a reuní ku direktor di Curoil, sr Jamil Lasten huntu ku miembronan di Curoil su team di maneho.
Durante di e enkuentro aki Curoil a duna un presentashon di tur desaroyo ku ta tumando lugá den e kompania i e plannan ku Curoil tin pa diversifiká e asina yama “revenue stream”.
Tambe a enfoká riba desaroyo di kombustibel i su komponentenan i nan konsekuensianan konsiderando desaroyo di preis di kombustibel internashonalmente.
Konforme e vishon di Curoil pa ta e eskoho preferí den Karibe nan ta premirá di rekuperá nan operashon poulatinamente pa asina por logra mantene Curoil komo un kompania stabil.
Minister Cijntje a akordá ku señor Lasten pa reuní un bes mas tokante puntonan pendiente pa asina e produkto i servisio di Curoil keda konsistente i di kalidat haltu pa nos komunidat.