Internashonal
Minister di defensa di China: Ta manifestá ku nan lo bringa te na final pa impedí independensia di Taiwan
BEIJING – Gobiernu di China ta konsiderá ku Taiwán ta forma parti di nan teritorio i ta bai hasi tur lokual ta na nan alkanse pa evitá ku e isla aki lo bira independiente.
Esaki a keda proba tambe durante un foro kaminda Wei Fenghe Minister enkargá ku defensa na China a manda palabranan hopi fuerte den direkshon di Merka.
Lokual ku Minister Wei Fenghe a bisa ta ku esnan ku tin intenshon pa stroba China di konkista Taiwan lo bai haña nan den un mal final.
Pa kolmo Lloyd Austin sekretario di defensa merikano tambe a akusá China di aktividatnan militar di provokashon serka di Taiwán.
Tantu Merka komo China tin hopi interes den Taiwan i ku lokual tin na kaminda lo no bai ta alarmante sigur pa pas Mundial.
Pa lokual ta e fin di siman aki mes un kantidat di avionnan di kombate di Forsa Aéreo di China a bolbe violá espasio aéreo di Taiwan.