MINISTER COOPER TA REUNÍ KU N.V. STADSHERSTEL WILLEMSTAD

Willemstad – Riba djaluna 23 di yanüari, Minister Charles Cooper a reuní ku N.V. Stadsherstel Willemstad. Durante di e enkuentro aki, a interkambiá tokante entre otro N.V. Stadsherstel Willemstad su monumentonan, posishon finansiero, mira riba desaroyonan den Sentro di Suidat, i desaroyonan ku N.V. Stadsherstel Willemstad a hasi entre di 2017 pa 2021. Den su portofolio, N.V. Stadsherstel Willemstad tin 22 edifisio. Mayoria di e edifisionan aki a keda restourá i di hür. Nan tin edifisionan den Otrobanda, Scharloo, i Scharloo Abou. Di e forma aki tambe, ta sigui traha riba desaroyo di nos sentro di suidat.