Minister Cijntje tin intenshon di nombra señora Thirza Priscilla Ramona Lourens komo miembro dje hunta komo eksperto huridiko

WILLEMSTAD. Unabes ku minister di Desaroyo Ekonomiko Cijntje (Nashonal) no por dispone mas di señor Randolph Gijsbertha, e tin intenshon di nombra señora Thirza Priscilla Ramona Lourens komo miembro dje hunta komo eksperto huridiko.

E ta eksperto pero no a kumpli  ku e kondishonnan ku Konsehero di STBNO a fiha pa eksperto huridiko pa Korpodeko.

A menos no tin konstansia di esaki riba papel pa demostra esei.

E deskripshon ku minister Cijntje ta duna komo rekomendashon dje kandidato ta simplemente ‘líriko’ i kasi un karta di amor.

Na 2011 señora Lourens a logra su diploma di Bachelor pero tabata  falta un paso pa bira Master pero e no a kaba su estudio Master na University of Curacao.

Ela faya na kaminda den dos materia pero pa varios otro materia pa su diploma di Master sí ela pasa eksamen ku éksito.

Riba otro tema ela haña un punto haltu pero despues ela disidi di kambia di karera pa spesialisa den  “anti money laundering & financial crimes” ela stòp  di pasa eksámen.

E lista di temanan huridiko ku e a dominá ta impreshonante pero manera Konsehero di gobiernu  ta señalá lakonikamente  den su evaluashon final ku e señora tin preparashon huridiko universitario pero no a kaba e kurso.

Tampoko e tin 5 aña eksperensia huridiko riba tereno huridiko loke ta pone ku Konsehero di gobiernu a konstatá  ku su kompetensia ta ‘borderline’.