Internashonal
Miembronan di geng salbahe na Haiti a kima eks senador bibu den su outo
PORT AU PRINCE – Miembronan di un geng salbahe ku ta ópera den zonanan marginá serka di Laboule 12 a kima eks senador Yvon Buissereth bibu den su outo djasabra anochi. E insidente trágiko aki a tuma luga na mesun luga kaminda lider di e geng salbahe ku yama Ti makak a pone riba Internet ku ta e ta responsabel pa morto di eks senador Yvon Buissereth.
Me Jacques Lafontant fiskal na Port au Prince a indika ku ela akudí na sitio di krímen i lokual ela opservá tabata un situashon realmente horibel.
Tabata un akto realmente kruel kaminda a bin topa ku restunan di eks senador Yvon Buissereth kompletamente karbonisá.
Lokual ku tin na informashon ta ku aparentemente e lider di e geng Ti makak mes a tira eks senador Yvon Buissereth mata pa despues basha gasolin i sende su outo na kandela.
E área metropolitana di Port au Prínce ta rehen di desenas di gruponan arma ku ta disputa kontròl di e teritorio.