Internashonal
Michelle Bolsonaro primera dama di Brazil ta proponé pa yuna pa libra pais di korupshon
BRAZILIA – Michelle Bolsonaro primera dama di Brasil a proponé na tur simpatisante di su kasa pa nan yuna tur dia 12 ora pa asina libra e pais di koruptonan ku ta malversá fondonan públiko.
No ta falta hopi pa tin elekshon presidensial na Brazil i ku esaki ta nifiká ku Michelle Bolsonaro kasa di presidente Jair Bolsonaro lo bai trata na hasi tur lokual ta nan alkanse pa desakredita Luiz Inacio Lula da Silva.
Michelle Bolsonaro ta un evangelika ku a bai televishon i tene un diskurso pa 15 minüt i a dediká delaster sekònde pa alerta e pueblo pa no vota pa eks presidente Luiz Inacio Lula da Silva.
No solamente Michelle Bolsonaro a kaba ku Luiz Inacio Lula da Silva pero tambe krea mentiranan ku no ta eksistí.
Ekspertonan den polítika na Brazil ta haña ku lokual Michelle Bolsonaro a hasi aki lo perhudiká Jair Bolsonaro mas ku yude den elekshon presidensial ku lo keda selebrá dia 2 di òktober próksimo.