Mi ke yuda sin sa kon

Outor: P. Fernando Pascual LC

Ban wak e problema. Nos ta sinti un deseo íntimo pa saka man. Nos ta pensa kon hasié, pero tur porta parse ta será

Si mi papia, kua palabra mi tin ku bisa? Kon haña e manera pa ser akseptá? Den ki moda mi por laga komprondé ku mi ta buska e bon di e otro? Kon superá prevenshon, miedu, deskonfiansa?

Si mi keda ketu, lo mi no ser interpretá komo un kobarde? Nan lo no pensa ku mi ta indiferente na e sufrimentu aheno? Nan lo no bisa ku mi ta preferá evitá problema pa sera mi mes den mi mundu di egoismo?

Si mi skirbi, kiko lo pasa ku e liñanan ku mi a prepará? Na ken nan lo yega? Lo mi ta kapas pa ekspresá ku takto, ku klaridat, un idea ku, mi ta spera, e ta sirbi pa yuda e otro?

Ademas, tin okashonnan den kua ku ni mi mes no ta mira e kamindanan habrí pa sali dje túnel. E problemanan tei ei. Nan ta laga un famia, un amigu o un kompañero di trabou sufri. Pero, tin solushon? Ta duel mi di mira e manera konkreto kon kua ta kompaña esun ku ta sufri, talbes masha serka di mi bida.

Apesar di tur kos, semper ta keda habri e posibilidat pa resa. E ora ei ora nos ta alsa e kurason na shelu, ora nos ta súplika na Tata mizerikòrdia, yudansa, lus, forsa, konsuelo pa esun ku tin mester, pa esnan ku nos ke pa nan ser ousiliá.

Mi ke, Señor, pa saka man. Mi no sa kon. Mi ta revelá, pues, mi límite, i no laga mi sukumbí pa mi ruman den tristesa, den amargura, den odio, den piká. Duna mi forsa pa ta banda di dje, pa haña modanan konkreto pa kompañ’é den su pena, pa aserk’é na Abo, Tata bon.

Permití mi, mas ayá di mi límitenan, na ser un bon samaritano. Siña mi na kompartí e Amor asina grandi ku Bo a buta den mi bida. Un Amor ku bo ta deseá tambe na kada un di mi rumannan mas chikí…