Mester sigi duna apoyo finansiero! Krisis di Pandemia por kousa daño duradero!

WILLEMSTAD. E krísis di e pandemia Covid-19 por kousa daño duradero na ekonomia di nos país na diferente manera.
Por ehempel pa motibu dje insiguridat tokante kiko lo para di ekonomia riba korto i mediano plaso, además ku kresementu di invershon privá lo por resultá di ta mas suak ku promé ku e pandemia. Ademas, e krísis lo por krea redukshon di forsa laboral debí na oumento den e kantidat di trahadó desanimá i migrashon laboral pa pais ku ta brinda mihó perspektiva.