Lokal
MESTER DEKRETÁ SITUASHON DI EMERGENSIA NA KÒRSOU
Willemstad, Ayera tardi den e programa di Juny Joseph, na emisora MAS a trata e situashon pésimo den skolnan di Kòrsou, kaminda dosentenan ta retirando na gran eskala i ta subiendo avion rumbo pa Ulanda. Dosentenan (den mayoria kaso, yùfrounan di skol) ya pa algun aña ta ku mannan na kabes i no ta mira ningun salida pa e sirkunstansia miserabel ku diariamente nan ta konfrontá kuné pará dilanti di klas i responsabel pa duna lès. Ta trata aki di muchanan ku ta presentá na skol ku problema di alimentashon, ku hamber i klaramente ta te abou den pobresa i mizeria. Bida ta karu na Kòrsou, kuminda ta impagabel, preisnan ta subi di un dia pa otro. Pa loke ta trata skolnan, tambe tin e situashon kaminda e rekursonan básiko, pero importante no tei den skol ku ta hasi ku ta dosentenan mes mester kumpra for di nan propio saku. Remarkabel den e situashon aktual ta e hecho, segun Juny Joseph, ku e dosentenan no ta warda aña eskolar kaba mes, sino ta bati retirada dirèkt, birando lomba pa skol. Señor Juny Joseph a referí na deklarashonnan di sindikato DOEN ku ta konfirmá ku e